Pakelong - Iwan Tompo

Sallomi takalangngerang
Kelong na rau' sa'ran na
Kere mi mae...kere mi mae...
Pakelong ri pangngaiku

Kamanna jai pakelong
Kaiya sarro ku ngai
Lu'mu' sa'ranna...lu'mu' sa'ranna
Tama jule ri ating ku

Punna manaung alloa
Radio assa'ra tommi
Ku antalai
Barang nia'ji makkelong

Manna sa'rannaja bawang
Ku rapang batang kalenna
Ku karannuang
Annyamang assau tommi

Dasi' Na Dasi' - Sukardi Tahir

Lannasa' minne nyawaku
Lantang paccemi ating ku
Ku langngere'na
Kaleng nu ni passuroi

Apami saba' lanrinna
Nunnyampa' ri tumaraeng
Tena rapang ku
I kau la' passalasa

Mingka apami sareng ku
Kukimbolong pa'risi' ku
Lanri tuna ku
Ku nicalla pammanakang

Anjo saba' tutoa nu
Mangngai ri tu masunggu
Dasi' na dasi'
Te'neko sa'genna anja

Alle Mama' Tea Bilang - Anci La Ricci

Alle mama' tea bilang
Itung ta'kaliang mama
Lonna sallang mase're rapang ku
Allema' pa'lengu' tomma

Na'ke' teaja' ni ngai
Ero'ja ni kamaseang
Nakke teaja' ni puji - puji
Ero'ja ni kapa'risang

Lonna mamo kana kamma
Punna lanre mo nyawa nu
Resoku lanu bosarrang
Lompo tarimakasi ku

Naku pare' kelong - kelong
Nia'mi ri minasang ku
Ana' matu - matu lalo sallang
Mange ri julu bangsaku

Rewako Gowa - Iwan tompo

Butta Gowa la'biritta
Masarro ni rampe-rampe
Kamajuanna
Sukkukki nacini' mata

Tena tojeng sangkammana
Rowasa'na kaboritta
Pambangunanna
Mangenrinni baji' ngaseng

Rewako Gowa...Rewako Gowa
Tuli rate kana-kana
Pa'rasanganta
Amang bella salibanra'

Tumammuji kakontu tojeng
Baji' tumapparentata
Tuma'buttana
Empo sannang salewangang

I Kau Tonji - Ismail Wahid

I kau tonji ku tayang
Ku boli' lalang ati
Ku rampe - rampe
Kaleng nu allo bangngi

Salasa panrannuang ku
A'jari sa'bi ma jarre'
Pela'ma nakke
Boko ma' ri pangngitung nu

Te'ne lalo balasa'na
Ri karaeng malompoa
Sukku' tommi pangngain nu
Angngamaseang ri kau

Nu mangngu'rangi
Ri wattunta julu kana

Nu panraki ma' i nakke
Nu pa'rua pangngaingku
Pela'ma nakke
Bokoma ri pangngitung nu

Pa'burita Nu

Nia'mi pa'buritta nu
Undangang pa' buntingan nu
Empo bunting nu
Ri mata pa'gaukang nu

Ku baca na undangan nu
Ammatti' je'ne' matang ku
Janji ma jarre'
Na maraeng na rollei

Bunting ko ta ni paiyo
Ri gau' tani pakana
Ta ri ero' nu
Pangngellai tau toa

Pela'ma ri pa'mai' nu
Buang ma ri panngitung nu
Anjo i nakke
Kamma tongi seng sareng ku

Butta Gowa

Kala'birang butta Gowa
Kalompoanna boritta
Sarro nipau
Arenna balla lompoa

Sioro' kalompoanna
Nala'bang bori' maraeng
Mammuji ngaseng
Karaenganna boritta

Butta Gowa bori' la'biri
Passolonganna ceratta
A'jari rapang
Ri bori' tau bellayya

Nala'lang Bawa Karaeng
Ni simbang ri Je'ne' Berang
Balla lompoa
Mannengnungang la'biritta

Passare Pappakontunu - Iwan Tompo

Nia'mi battu pasannu
Pappau pa'burittanu
Kana-kanannu
Masarro ku kalannassang

Ta'bangka dudu nyawaku
Lonna taku sanna-sanna
Maka lania'
La'ba nupappikatuang

Kammai langi' laruntung
Kontu lino lakiama'
Kupisa'ringi
Passare pappakontunu

Boli' kamma ku tarima
Ku kayao dinging-dinging
Ku roko' pacce
Naku sassa je'ne' mata

Cinna Cinikku - Iwan Tompo

Mannamo nabosi sarro
Mannamo anging barubu
Aule lanta'le tonja
Ri bori' parallakkenna

Le'ba'mi ku to'do' puli
Ku jarreki ri atingku
Aule cinna cinikku
Rikaumi takkimbolong

Tenamo nasalewangang
Nyawaku tuli ngu'rangi
Kuring-kuring ri alloa
Naku so'na ri bangngia

Anjayya - Iwan Tompo

Anjayya palla tojegna
Tuajika naalle sayang
Aule tumanganang sayang
Linta' duduna pa kalengku

Anrong manggeji ri lino
Nuboli' makkale-kale
Aule lonna kuitung
Lompona pamma'risinnu

Punna tuli ku u'ranngi
Masarro ku nawa-nawa
Aule dinging-dingingku sayang
Narurungang je'ne' mata

Bosi Ri Sa'ra Alloa

Turummi ricci tangngallo
Bosi ri sa'ra' alloa
Attambung tommi
Pa'risikku kukimbolong

Mempo mama takkajannang
Tu'guru je'ne' matangku
Lonna ku itung
Kamase kasia-asiku

Rammang erammi simpungku
Kila' erang Pa'risikku
Ikau anging
Erammi dinging-dingingku

Turummi apung bangngia
Nanninring danniaria
Naku kalimbu'
Topena simpung nyawaku

Sa'ra' Ri Tangnga Dolangang - Iwan Tompo

Bosi je'ne' mata minne
Rimbu' tassunge'nge tommi
Ri kuassenna
Kalengku Nipassalasa

Manyu gosse minasangku
Ri tamparang salasaiya
Panrannuangku
Sa'ra' ri tangnga dolangang

Ka'de' ji kuasseng memang
Rammang lamangngerang bosi
Ku pelo' tonji
Sombala' cinna cinikku

Mingka boli'mi nakamma
Kapassare pattawaeng
Ero' batara
Takkulle taku kanyame

Kapelakkang Ri Atingku - Kahar H.S

Sarro tomma mangngu'rangi
Ri lebbangngang sialleta
Tena rapanna sikatutui
Ri singainta

Ti'ring minrami nyawanu
Ma'lisi'mi pa'mai'nu
Kualle kalengku Sarro ma'boko
Kisila'leang

Apami saba' lanrinna
Nanu kalanreang kamma
Nusa'ga kamma
Tuli annompo' Ri terasa'nu

Empo ri sino tommama'
Kapelakkang ri atingku
Cinna cinikku susami kapang
Lesso' maraeng

Teako Takkaluppa - Iwan Tompo

Anging apami mammiri'
Ta' taba na dinging kamma
Barang pappasang
Mangngellai mangngu'rangi

Dinging na lantasa' buku
Mannukung ri bone kambu
Mappaka simpung
Ri pa'mai' sayang rannu

Anging baji' ku asseng na
Singara' ku kasu'mang na
Ri minasang ku
Teako takkaluppai

Anging poterammi mange
Balliangngang ri kanan na
Anjo i nakke
Le'ba'ma' nu sorong boko

Angngingbolong Simpung - Rahmi Haruna

Anjo paleng pangngainnu
Sanrapang tongi jumpai'
Lanri nyawaku
Sirurungang ri erotta

Allo bangngi sileporang
Sirurungang mange-mange
Mingka i kau
Mangngai sitangnga-tangnga

Ka'de'ji kuasseng memang
Nubossarrang pangngaingku
Taku padangnggang
Kana le'baka ni boli'

Le'ba' sarengkumi kapang
Tuli ma'ngimbolong simpung
Batara mami
Kualle kupammanjengi

Dacing-Dacing - Iwan Tompo

Alle sai dacing-dacing
Ni panai' ri timbangang
Nu asseng tonji
Simpung niaka ri nakke

Punna le'baki ni timbang
Nu nampa angngalle rapang
Na ku kasu'mang
Ante kamma ri erokku

Lonna paleng mappatojeng
Ri garring simpung nyawaku
Apa tongare
Lama' cu'la' ri atingku

Gau' Tari Erotta

Manna ku passai kalennu
Erokka narimanang ri kau
Punna atinnu
Maraengi ri pa'mai'nu

Rapang na taba kila'
Ri bangngi Pa'buntingannu
Saba' i kau
Kacima' mamo mange ri nakke

Lani apami langi' maccora mamo
Punna bosi lanaung tonja
Lani apami empo buntinta
Punna ri atinnu nia' tau maraeng

Lu'lu'mi je'ne matannu
Buangma' ri pangngitunnu
Anne gauka
Teayi tonji ri erotta

Ati Raja

Se're - Se're ji batara baule
Ati raja na ki jai pa'nganroi baule
Rajale ellele kerea  minjo ati...ati...ati raja
Ki tarima pappala'na baule

Mannamo ki minasai baule
Ati raja ki panai' ri palatta rikodong
Rajale ellele ta'balle tonji ati...ati...ati raja
Ka Batara tangkellai baule

Manna ni jallo sarea daelle
Ati raja ta empoki ri sunggua ri kodong
Rajale ellele tani kanyame ati...ati...ati raja
Ki tarima passareNa daelle

Rapangi Langi' Na Butta - Iwan Tompo

Pila' mange - mange allo
Pila' minra mi nyawa nu
Sisala tommi
Batenu ngerang pa'mai

Jule maki mappattau
Langkara' mangngerang kana
Rapangko cura
Lunturu' ma'lisi' tommi

Apa are ta nungai
Nu' boko ngalle kaleng nu
Tunaku kapang
Massarro ni pannangngarri

Tena tommi sombere'nu
Muri - muri pangngain nu
Erang nyawa nu
Rapangi langi' na butta

Lalang Na Kamasea - R. Sarro

Sallomi ku parampe ramba'na kamase ku
Tu na empoang pangngakkalia
Ku pare' kelong - kelong pannyaleori nyawa
Ri salasa dongkokang lino ku

Manna ku paramba' ri kalli' kala'biranta
Manna monconga mata ji cinitta
Ka tena ki alle kapang - kapang tallasa' ku
Langngerang mange ri massunggu a

Tope cura'na memang linoa kapang
Pangngadakkang sunggu te'nea
Manna tasingara' kana ji jallinganna
Apaseng pole bosara' tongko'na  memang

Konteng tuna pale' dongkokanna tallasa' ku
Tappu' ranrang manyu' ri gossea
Ku pala' rampe ri garasa'na ma sunggua
Manna bayangannaja mate'nea

Na ki kanyame todong te'ne na anne lino
Manna tonja nasi lalo pala'
Namassaile ngaseng sikontu ngakkalia
Ni pakasoleng ri paccallaiyya

Empo Kasi Asi - Iwan Tompo

Lonna paleng na kamase
Empo tu na kasi - asi
Jai pa' calla
Tu li reppese ri katte

Manna na ki baji ampe
Bateta ngerang pa'mai'
Annompo tonji
Kamase ta ka cinikang

Punna nia' tanu ngai
Ala apa - apa mami
Na ki pa' tojeng
Sarro ta ni pasiratang

Kamma minne tallasa' ku
Mingka ku sa'barrang mami
Na ki pattojeng
Kale'ba' sareng ku tosseng

Pamma'risinnu

Keremi kana janjinnu
Eroka si kajammengang
Tena kum minra
Na nula'leang kaleng nu

Kukana tommi bulaeng
Nyawanu naku lebangngang
Gallang ji paleng
Tambaga mappassalasa

Sayu'ma' nakke ri minasang ku
Nu passalasa panrannuang ku
Ero'na todong pa'mai' nu
Nu sare simpung tallasa' ku

Ma'batu mami ri barambang ku
Ku a'lu' anne pamma'risin nu
Ta le'ba' nia' ri pangngira ku
Nyawa nu na palla dudu

Gosse

Ero'ja ma'jari gosse
Na tempa bombang ku manyu'
Punna sareng ku
La sa'ra tangnga dolangang

Pa'risi' anging barubu
Ku palengu' lalang kelong
Tena mo kapang
Balleaanna pa'risi' ku

Reraiya ku pare' bise
Ku sombalangi simpung ku
Na tempa bombang
Ni anyukang ri salasaiyya

Boli'ma' kontu na manyu'
Ri tamparang je'ne' mata
Boli'ma' kamma
Si anyukang kamase ku

Amma' Ku - Anci La Ricci

Punna ku cini' amma' ku
Ammatti je'ne' matang ku
Tena rapang na
Batena ngai ri nakke

O... Ammakku O...Ammakku
Nia' tinja' ri ating ku
Ku sunggu lalo
Na ku balasa' ki' te'ne

Ca'dia Sa'gengku rungka
Jai dosa ku ri katte
Lanri kammana
Barang ji ki pammopporang

Anrong ku ma lassukang ku
Pammopporangi dosa ku
Na salewangang
Tallasa'ku ri linoa

Lussa' Ri Lantang Bangngia - Ismail Wahid

Tuttulu' batang kalengku
Atta ri masinoa
Makkale-kale
Lussa ri lantang bangngia

Nakke tong lalomo kamma
Nujanji tanu ruppai
Nukapallakki
Tangngu'rangi ri kanannu

Rapangi je'ne' assolong
Ku ngainnu tanu cini'
Ku karannuang
Ku padongko' ri atingku

Boli'ma' kalimbu susa
Pakrisi' takaballeang
Nu pakammaku
Nu sare simpung ta tappu

Ammakku Bapakku - Ismail Wahid

Sare sare-sarengku
Bella ri bori' maraeng
Taku cini'mo manggeku
Na' lingka mange ri anja

Pacce lalang nyawaku
Pa'risi' kukasu'mana
lanri tana simbang bulang
Ammakku maliang todong

Sia-siama'  i nakke
Kupela' kalengku
Barang kummotere'
Naku paempoki te'ne

O...Ammakku O...Bapakku
Taku balasa'na
Ri paka tuota
Naki massing-massing moterang

Inakke Sarro Nuitung - Iwan Tompo

I nakke sarro nuitung
Tamangngai ri kalengku
Ikau iya
Takkaluppa ri janjinnu

Sarroku nupakatuna
Nubossarrang ri kodia
Nupapparekang
Sa'ra' dasi tallasakku

Ngapa arepi sarengku
Nana pa'giling Batara
Ku nampa te'ne
Ku naitung samborikku

Boli'ma' lamung jumpai'
ma'lamba' paria pai'
Nacoppong lalo
Nama'leko' pandang bau'

Paborongang - Hamzah Marlia

Sisiki allo i raya
Jangang naung ri lerang na
Na ku bokoi
Sikontu tu ri Balla' ku

Kareso attujju sanna'
Sessa tena njorengan na
Songo' ammatti'
Tu ni areng paborongang

Nia' tong lalo ja sallang
Pamminrana tallasa' ku
Ku te'ne tommo
Sangrapang parangku pare

Kamma  minne tallasa' ku
Timoro' bara' sisambe
Tu li kareso
Ni kanaiya paborongang

Bannang Eja - Hamzah Marlia

Bannang eja singain ta
Rotasa' na ku lambusi
Aule ku kellain na
Jarre' ri passimbanging ta

Bannang eja nu kambara'
Nu kambara' bannang gau'
Aule  ku ka rannuang
Passikko' sikala' bui

Sarroi ku sassala' na
Bannang nu kasumba paleng
Aule' ka sumba gau'
Nu pa bene ri lilanu

Bannang gau' ri lila nu
Angge'ba ri barambang ku
Aule allei pela'
Nu sambei bannang kebo'

Pabattu Sai

Bombang  ilau ku pasang
Ku mappikatu ri anging
Pabattu sai
Tamaona ri ating ku

Punna tinroi nu battu
Ronrongi na mammuriang
Lonna lam mempo
Pa kallassanga ating ta

Boli'ma ri pa'mai' na
Pa ka jannang ri ating na
Talli' ating ku
Parekang julu topeku

Boli' mi kamma pirau
Marunang je'ne matang na
Lanri ma lantang
Nakku' na pangngu'rangin na

Sareng Nu Todong

Ka le'ba' dosa lompo nu
Nu onjo' nanu laloi
Ta' kaluppanu
Pammalokin na linoa

Sikontu gau' baji'nu
Ka lappa'kang ri kodi nu
Sareng nu todong
Nu teteng nanu soweang

Gunturu' mam mereng - mereng
Ri kila' na ta' bebea
Ka kuasan na
Karaeng ta mase'rea

Su'ju' ko nanu mammuji
Na na pammopporang dosa nu
Iya Karaeng
I katte ata mannyomba

Tala' Salapang - Armin Sakti

Tala' salapang ri gowa
Pammatei ni jarre ki
Jari pa' pasang
Na empoi pangngu'rangi

Alle sai pi jappui
Ussulu' na ki tuntungi
Apa lanri na
Na nia' tala' salapang

Salapang karaeng ca'di
Massing nia' empoang na
Sarro ni rampe
Bate salapang ri gowa

Balla' lompoa ri gowa
Masigi' na ri katangka
Napalampang na
Tanaiya ri lonjo' boko

Tasualla' Ku

Mangku nu sioi intang
Nu pa ka'do' baraliang
Tasualla' ku
Ri passare malacui

Boli' ma' a' kasi - asi
Tani jalling ri tuna ku
Assala' lannying
Rurungang na tallasa' ku

Jai memang jinne kamma
Sunggu te'ne tallasa' na
Lange ri doe'
A' je'ne' ri barang - barang

Minga rinni anjorengang
Tu li ni pa si co'bekang
Tuni patappa
Nangngala'bo' sa'ge epa

Pangngai Ati Kebo' Ku

Bella na mo anjo mange
Bella ba'leang dolangang
Pa' gentungang na
Pangngai ati kebo' ku

Susa pa simbutulang ta
Ta si langngere' kareba
Nakku' ta mami
Si kayao rewasan na

Punna mamo ku u'rangi
Ku boyong - boyong ri mata
Rammu' ating ku
Na' lakkara barambang ku

Tuli empo ma masino
Nyawa tassi nbannang bantang
Resseng pa' mai'
Tutulu' buku - bukung ku

Si Taung Ji Bawang

Ganna' le'ba' ki si taung
Angngai nu ngarimanang
Nu nampa boko
Am moli' simpung ta tappu

Nu asseng memang ja tuna
Ri wattu ta sialle ta
Nu ero' mangka
Ta' dongko ri sura' nikka

U'rangi sai si tempo
Ri wa'tu nu empo balu
Rapang ko bunga
Ta' layu' ri tangke busa'

Ganna' tonji ri nyawaku
Lam mempo ri masunggua
Mingka i kau
Erokko si lalo pala

Sare Sareng Ku - Ismail Wahid

Sare - sareng ku
Le'ba' ni jo'jo' ri bataraiya
I nakke ana' kamase
Sangnging pa'coba ku laloi

Anjo pacce ku
Si tompo' - tompo' massing a' tayang
Pa' coba apami kapang
O Karaeng ma lompoa

Lino a ku pammanjengi
Tena mo na massaile
Anging teami mammiri
Angngerang pacce nyawa ku

Pacce nyawa ku pacce nyawaku
Kamma tongi seng sareng ku

Le'ba' Kamma Mi Sareng Ku

Nu mera minne nyawaku
Tas sunge'nge' sumanga' ku
Lanri kuasseng kaleng ku
Salasa mangantalai

Kontui bunga sareng ku
Ni lamung timoro' lonjo'
Ma' tayang rammang ma' lolo'
Mangngerang bosi karueng

Baji' na na nia' apung
Na ninring danniari a
Na ta ru'rusu' kalumeng
Ta malelasa marunang

Ka'de' ji ku asseng memang
Rammang tangngimbolong bosi
Nampai ri uru gau' sayang
Na ku la'leang kaleng ku

Pappalakku - B. Mandjia

Nia' pakaramulanna
Na tena ka la'busanna
Aule tama' tappu'na
Pattayangku na salasa

Salloku mangngantalai
Timoro' bara' sisambe
Aule tenamo simpung
Pa'risi' taku palili

Kama sallo dudu tomma
Pasengkami laherekku
Aule ka sumanga'ku
Le'ba' nia' mi ri kau

Mingka nia' pappala' ku
Pammopporangi dosaku
Aule ri a'jala' ku
Tayanga' ri tallasa' ku

Sayu' ma Ri Minasangku

Ku tarima mi sura' nu
Lontara' kana - kanan nu
Ku asseng tommi
Pa' nganro pa minasan nu

Tena ja ku takkaluppa
Ri janji le'ba' lalo nu
Ro rewasan na
Se're' pa'risi' ni julu

Apa memang ja ku kana tommi
Tu liji mappainga' ku
Mingka i kau
Matantang ri pa'mai' nu

Tea mami angngapai
Nyawa nu ri pa'mai' nu
Anjo i nakke
Sayu'ma ri minasang ku

Pappa Kontunu

Nia'  mi battu pasang nu
Pappau pa'buritta nu
Kana kanan nu
Ma sarro ku ka lannassang

Pa'risi' dudu nyawa ku
Lanri ta kusanna - sanna
Ma ka la nia'
La'ba nu pappikatuang

Kammai langi' la runtung
Kontu lino la kiama'
Ku pi sa'ringi
Passare pappakontunu

Boli' kamma ku tarima
Ku kayao dinging- dinging
Ku roko' pacce
Na ku sassa je'ne mata

Bombang Tallua

Si tamparang mi ka lau' bau'
Bombanga le'ba' ku pasang sayang
E aule pabattusai
Nakku' ku pangnguranging ku sayang

Bombang galluru' ka lau' bau
Antappassangngi kalenna sayang
E aule tambungi gosse
Tu jaiya pa'risi' na sayang

Anging teami mammiri andi
Bombang teami nappasang sayang
E aule manna gossea
Mangngang tommi manyu' manyu sayang

I Kau Ji Bawang

Uru - uru ki si cini'
Nyawa bella si la'bakki
Ri minasang ku
Uru kana si jarre ki

Majai bombong rapang nu
Marawanting sangkamma nu
Tena ruanna
Kanang - kanang ri matang ku

Jai bunga rappocini'
Na ma jule ri matang ku
I kau tonji ku tayang
Ku tayang ku antalai

Ta salasa ku kellai
Ta sayu' ku minasai
Lonna la sayu'
Manna nu pare' ja bongong

Salasa Panrannuang Ku

Ku sassala'na kaleng ku andile
La manrannuang ri kau
Aule saba' i kau
Ku salasa sayang rannu

Boli' ma' kamma salasa andile
Salasa panrannuang ku
Aule batara tompi
Angkellai ku ma te'ne

Te'ne lalo balasa' na andile
Salasa panrannuang ku
Aule nania' todong
Ku patete ri bicara

Mattayang Mangngantalai

Keremi ri mangkanan nu andi
Manna na si allo tonja
Aule ki tea lanre sayang
Mattayang mangngantalai

Bella manne ma'dolangang andi
angsombali nakku' ku kodong
Aule na tempa bombang sayang
Na lo'lorang galluru' lompo

Kukang Lappasa' Kamase

Kukang lappasa' kamase
Tama anrong tama mangge
Tallasa' makkale -  kale
Ri lino makkasi - asi

Le'ba' sare na tawa ku
Le'ba' iya pa iyoku
Ta bija ta pammanakang
Na tena mappa' rikongang

Gunturu' mammereng - mereng
Kila' tassi kali - kali
Ricci ri sa'ra' alloa
Mappaempo dinging - dinging

Punna battu pangngitungku
Ri anrong ku ri manggeku
Rera ta tappu' ating ku
Na runang je'ne matang ku

Ka'de' Ji Ku Jangang Jangang - Kahar HS

Ku asseng tonji kaleng ku andi
Sallo ma' nu pari ati
Anrong manggeku 2X
Bella mi ri pangngitung na

Se're pa'risi' ni julu andi
Se're nakku ni rua i
Malla'ka nakke 2X
Na tunrai pammanakang

Teako lanre ma' tayang andi
Sauru' mangngantalai
Nia' ja sallang
Na ni pagiling nyawa na

Ka'de' ji ku jangang - jangang andi
Nia' ka'nyi' pumbali ku
Bori' bella ya 2X
Ku pa kasi allo mami

Ana' Kukang

Kukanga' tu ni pela
Ku ni buang ri tamparang
Ku ni anyukang ri je'ne'
Na rappung tau maraeng

Ca'di - ca'di dudu inja
Na napela' ka anrong ku
Mantang mama' kale - kale
Tu'guru' je'ne' matangku

Aule sare - sareng na
I kukang sayang
Sare tea taku cini'
Empo tena ma te'nena

Aule sare - sareng na
I kukang sayang
Sare tea ta ku cini
Empo tena me te'nena

Kara'ba Parang Lakkennu - Ismail Wahid

Sassa' lalang ku kalimbu
Susaku ku timang - timang
Ka pangngainnu
Kara'ba parang lakkennu

Apa mo sallang na kana
Ri oloa mannyombalang
Na ri bokoa
Ni bantungang sombala'na

Sombala' kekke' ku tampeng
Ranrang tappu ku sambungi
Aule biseang reppe'
Ku sorong na ku sombalang

Barang i lau' pa sallang
Ri bori' tau maraeng
Na nia todong
Annyambungi pangngaing ku

Pa'mai' Roba Robaiya - Mandjia

Ku cini' nu ji mangngai
Na kummaling - maling tommo
Anne i kau ma'boko
I nakke ta massaile

Barang nu kana sitangnga
Nu bokoi ta mangngitung
Barang i kau ji iya
Sassa' lalang tama tappu

Nu inroi sallang lino
Nu tetng sassa' lalang nu
Nu pa' boyai
Sangkammang ku na taena

Pa'mai roba - robanu
Nyawa tammaling - maling nu
Sassa lalang nu ri boko
Ulumi sa'genna anja

Pa'nganro Tonja - Rachmansyah

Ta jannanga mi nyawa ku
Pa' risi' lalang ating ku
Lanri minra na
Bate nu ngerang pa'mai'

Apa kutaeng lanrina
Nyawa nu namminra kamma
Nu la'ba kamma
Nu tammaling - maling kamma

U'ra' - u'rangi tomma ma
Uru - uru singain ta
Tena mo kapang
Sangkammanna sangrapang na

Manna njo na kamma mamo
Nyawa nu mange ri nakke
Pa'nganro tonja
Barang nia' pamminra na

Minasa Ri Bori' Ta - AR Ridwan dg. Sarro

Mangku mamo ma bella
Nia' ma ri se'reang bori'
Ansombalangi sare kamase ku
Passare Batara

Manna monjo na kamma
Pangngu'ranging ku ri kau tonji
Ka butta la'biri' passolongang cera' ta
Ri bawakaraeng

Se're ji ku pala' ri julu bori' ku
Siri' ka ji tojeng
Sollang na na nia' areng ma baji' ta
Ri bori' maraeng

Na ki ma' minasa te'ne ki' ki sunggu
Na nacini' todong
Bori' maraenga sarroa mangngakkali
Ri kamajuang ta

Tappu Ri Rantusanna

Ku tayang ku antalai
Ta tappu ri allo bangngi
Tu li tollalo
Batara mappasi cini'

Ku tantuang ko la battu
Ansaleori nyawa ku
Mingka i kau
Battu ko mangngerang simpung

Tu li mammempu mama'
Na ku sapu barambang ku
Ku tassunge'nge'
Tu'guru' je'ne' matang ku

Panra' tojeng mi nyawaku
Ancuru' bone lalang ku
Ku rapang bannang
Tappu ri rantusanna

Tappu' Kana - Iwan Tompo (Cipt. Abdullah Sijaya)

Sallo mi ku pariati andi
Ku antalai kana panjarre' kinnu
Ri nia' nu ta' bialo muri - muri
Pa' pasang nu le'ba' laloa

Ganna' bulang lalo taung andi
Ki si tinriang nakku' ri nyawaku
Ri nia' nu ta' kimbolong minasang ku
Ki si rurungang ri ma te'nea

Tena ta' ti'la' ri ating ku andi'
I kau la' passalasa
Langngerang tappu' kana
Pamma'risi ri tallasa' ku

Le'ba' ku tinrang ku rapang bine
Ka passarenu mange ri nakke
Ku antalai la' cu'la' ri atingku
Na' rappo te'ne ri tallasa' ku

Kamase Ku - Pance Pondaag

Sallo tomma Nu padongko
Nu paempo ri kamase
Pa lette' tomma
Ri empoa mate'nea

Sukku' tommi passo'riNu
Pa'cobaNu ri kaleng ku
Tenamo kapang
Ta le'ba' ta ku laloi

Ya Ilahi Karaeng ku
Su'ju'ka na ku ma' nganro
Sareang tomma
Empoang na me te'nea

Punna tena memang tommo
Te'ne ku empo ri lino
Simbang ma mange
Barang ri anja pa te'ne

Tuna La'leang Kalenna - Iwan Tompo (Cipt. Abidin Syam)

Ero'na todong nyawanu
Alla' leangi kaleng nu
Ma' bongong palla' pa'mai'
Appalikang takkaluppa

Tena mo nu mangngu'rangi
Simpung ri giring tope nu
Pa' risi' ri pa'lungang nu
Nakku' ri pa'juluiya

Anja mami ta makkio'
Padatari tammuntuli
Nu asseng nyawaku saung
Na nu passalasa tonja

Keremi la ku anyukang
Laku pammelaki simpung
Lompoi anne linoa
Lompoangngang salasa ku

Le'ba' Gangga Na Paria - Iwan Tompo (Cipt. Masno)

Punna ku gappa ku itung
Ri wattunta si leporang
Ri singain ta
Rapang nyawa na tubua

Bateta si katutui
Lantang pa siama kanta
Mann batara
Malla' ngaseng malla' gasi

Runtung mi bulu' ruaiya
Sosara' bawakaraeng
Aule ki sila'leang
Kontu langi' na buttaiya

Tena memang tommo kapang
Pare' pa siama kanta
Sangkamma mami
Minnya' ma'leoka je'ne'

Sila'leang

Mappasampea pangngai
Na ku pasai' ri kau
Mingka nu itung
Tuli annompo' kodi ku

Lu'lu aseng mi baji' ku
Piutungi ri kodiku
Boli' ma kamma
Ammanyu' tu li ni calla

Ku asseng na mo kaleng ku
Tu ni pamminrang pa'mai'
Ku bella tommo
Na ki' giling sila'leang

Tu li palla' ri nyawanu
Tangngu' rangi ri ating ku

Lammempo Ri Sayang Rannu - Nurdin Taqwa

La salasa janne kapang
Lammempo ri sayang rannu
Punna ku cini'
Pa'mai' nu parampea

I nakke barang ku kana
Lalang tommi pangngainnu
Mange ri nakke
Ta mamminra pa'mai' nu

Ka'de' ji ku asseng memang
Nu itung lalo ri olo
Ma'boko tong ja
Ma'boko tamassaile

Nia' jantu nu mangngitung
Na nu boya' ri pa'mai'
Ku tena tommo
Bella tomma ta nu cini

Empo Bunting - Iwan Tompo

Punna sallang si'ra tojeng
Ni bangung pannyambungi nu
Nu empo bunting
La ku pelaki kaleng ku

I nakke ta la eroka
La' jari pa cini' - cini'
La mempu lussa'
Ri alla' muri - muri nu

Boli' ma' ba'leang bori
Ri bori maraeng
Tuo salasa
Tallasa' ri sassa' lalang

Takkala tawaku tosseng
La le'bakangi sarengku
Boli' ma' jammeng
Jammeng si unjurang nakku

Sura' Nu

Sallo mi ku antalai
Sura' nu na ta battua
Nanro ri nia'
Sukku' rannu na nyawa nu

Ku tarima naku' nganro
Ku sungke na ku' minasa
Golla kaluku
Ku palengu' ri bicara

Rannua' ku' giling simpung
Te'nea ku' giling la'ba
Ri ku sungke na
Na taena ukiri'na

Mannanjo na kamma mamo
Na karattasa' ji bawang
Ku boli' tong ji
Ku pare' pannyaleori

I Kau Tonji - Anci La Ricci

Bulaeng ti'no' nyawa nu
Jamarro' ka pangngain nu
Ku kana kamma
Ka kontu tojeng ku pau

Malla' ka la mappa' tantu
Mingka nia' ri atingku
Anjo cinnna ku
Cini'ku ri kau tonji

Ku rapang ko mata allo
Angsiori anne lino
Ta le'ba' lanre
Ta le'ba' runtung pangngai

I kau minne kutadeng
Ero' la  mangkanyangngi
Na kabayarrang
Nakku ma' mole - moleku

Nipassalasa

Le'ba' ma' nu passalasa
Nu boli' ma' kale - kale
Tu li mattayang
Ammantang ta' ronang - ronang

Punna ku u'ra - u'rangi
Jule ma' ki si rurungang
La ni berui
Tena monjo cini kanna

Ku tile ku jalling mata
Cincinga ri karemeng nu
Ku tantuang na
Bella ma' ri pangngitung nu

Lonna sallang ku kasu'mang
Si kontu le'ba' laloa
Rapangi so'na
Ku kayao taku rapi'

Boli' Ma Makkale Kale - Anci La Ricci

Boli' kamma ku makkale - kale
Ku teteng simpung na nyawaku
Lanri bunga ku lamungang ri ating ku sayang
Bunga ni pa'jari racung ji paleng

Tea' mako sa'buki areng ku
Ating ku le'ba' mi ku joli
Rera simpung na nyawaku la ku kalimbuki
La ku erang lingka mange ri anja

Sangka' tojeng mi gau' nu
Salannu mange ri nakke
Boli' kamma mi kalengku
Tallasa' makkale - kale

Ku teteng simpung
Ku teteng rera nyawa ku

Bunting Berua - Iwan Tompo

Baji' na bunting, bunting berua karaeng
Na tujua gau' baji' daelle'
Rajale' bunting berua
Bunting berua parekanna matoaiya

I katte bunting, bunting berua karaeng
Si katutui ki' tope deng bunting
Rajale tenamo antu
Tenamo antu parekanna maloloa

Bunting berua
Bunting beru beru berua
Bunting berua karaeng
Bunting berua parekanna matoaiya

I katte tau loloa andile
Tutuki ri kana - kana
I katte tau rungkaiya daelle'
Tutuki ri panggaukang

Rajale tau loloa tau rungkaiya
Parekanna bunting berua

Sapeda kumbang
Sapeda peda peda kumbang
Sapeda kumbang karaeng
Sapeda kumbang dongkokanna bunting berua

Ana' Kamase - Iwan Tompo

I nakke ana' kamase sayang
Ana' tuna kasi - asi
Aule bija ma jai
Na taena ngamaseang

Leoka' na ku annya'la sayang
Resoku ta ka bilangngang
Aule kasi - asiku
Kutaeng ni pannangngarri

Ku sa'la - sa'la kalengku kodong
Ku bella ri pammanakang
Aule iyang ku' jari sayang
Moncong mata ri cini'na sayang

Kurapang konteng kalengku sayang
Lepa - lepa pa iyoku
E aule na ku sombalang sayang
Ri tamparang je'ne' mata sayang 

Batara - Iwan Tompo

O Karaeng ku Batara
Cini' sai kamaseku
Kasi - asiku
Allo bangngi ta sirapi'

Batara sare ma te'ne
Salloku Nu pakatuna
Naku kanyame
Te'nea ku nampa jammeng

Batara alle nyawaku
Punna tena memang tommo
Na ku mate'ne
Naku lingka' ri anjaiyya

Barang ri anja pi sallang
Ku empoi mate'nea
Anne ri lino
Assa tommi ku mate'ne

Reso - Resoku

Sayang na reso - resoku
Pa'mai' ku parampea
E aule palla' jarina
Tangngu'rangi balasa' na

Leoka' naku annya'la
Resoku takabilangngang
E aule kasi - asiku
Kutaeng ni pannangngari

Lino tangngaimi kapang
Ku empoi ma' minasa
E aule sese' rapangku
Tena tommi sombere'na

I nakke ku mapparampe
Ta la sunggua ku itung
E aule ku leo' - leo'
Ku kana mi samboritta

Bombang Nia' Pa'risi'na

Ku kasu'mang mi ri ati
Naku asseng mo kalengku
I nakke paleng
Ana' tuni sorong boko

Tena tojeng nu ngu'rangi
Tena na nu maling - maling
Ta massaile
Ri tuna kasi asiku

Ka'de' ji ku asseng memang
Bombang nia' pa'risi'na
ku erang tonji
kalengku ri mabellaiya

Le'ba' kamma mi sarengku
Le'ba' iya paiyoku
Na ku tangngasseng
Ma'boko ta mammaliang

Pangngai Tama Tappu' Ku - Iwan Tompo (Cipt. Abidin Syam)

Rapang bulang sioro' na
Bintoeng ma' kilo - kilo
Na cora kamma
Singara ka ri rupannu

Ta majule ku kayao
Ku alle ku sikko cincing
Ampe - ampe nu
Bate nu ngerang pa'mai

A'jari mi salampari
Tampajannangi tinroku
Angngali - ali
Tuli nia' ri matangku

Kontu bunga ni pacu'la
Ku pa lamba' ri ating ku
Na si tinriang
Pangngai ta ma tappu' ku

Teako Palla - Nurdin Taqwa

Manna naki sibokoi
Si sa'la ri tallasa' ta
Teako palla
Tangngu'rangi biasaku

Apaseng ka nia' tonja
Ana' jari ni jului
Mangku mo kodi
Nia' tonja antu baji' ku

Rewasa le'ba' laloa
Rapang mi anging mammiri
Anne dosaku anne dosaku
Pammopporang jai mama'

Le'baka le'ba' mi kamma
Lu'lu' mi ri pa'mai'nu
Na kimmoterang
Ki sialle sari'battang

Teako Palla - Nurdin Taqwa

Manna naki sibokoi
Si sa'la ri tallasa' ta
Teako palla
Tangngu'rangi biasaku

Apaseng ka nia' tonja
Ana' jari ni jului
Mangku mo kodi
Nia' tonja antu baji' ku

Rewasa le'ba' laloa
Rapang mi anging mammiri
Anne dosaku anne dosaku
Pammopporang jai mama'

Le'baka le'ba' mi kamma
Lu'lu' mi ri pa'mai'nu
Na kimmoterang
Ki sialle sari'battang

Pangngu'rangi Mami - Iwan Tompo

Sallota tojeng assingai
Sisayang sikajallai
Nak' giling sila'leang
Ka ero'na tutoa nu

Sareng ta tosseng si pa'rua
Angkanyame pamma'risi
Pai' mami na la'baiya
Ni a'lu ri ilorotta

Ero' mangkaluppai, mingka tea pi nyawaku
Lanri jai na mamo, nu boli' pangngu'rangi
Manna laku palengu
Pila' nia' ji mammumba

Mingka laku apami
Ka nia' mo julu topenu
Baji kangngang mintu kapang
Ki sialle sari'battang

Boli'ma' Kamma Salasa

La turung bosiji paleng
Ri ta' giling na alloa
Ku tayang tommo
Simbara' sa'genna bangngi

Kamma jinne pangngainnu
Mangngai si tangnga - tangnga
Ku rapang je'ne'
Ma' lete ri leko' pacco

Tena tojeng nu passayang
Tena na nummaling - maling
Kasu'mang sai
Kana le'baka nu boli

Boli'ma kamma salasa
Tallasa' ta' ronang - ronang
Manneteng Nakku
Mnnyoeyang dinging - dinging

Bangkenga Cini' - Iwan Tompo

Tuna memang ji anrongku
Kasi asi ji manggeku
Ka tea tonja'
Ni tunai tallasakku

Manna sunggu empoang nu
Ta le'ba' tonja nu patiru
Taku kasu'mang
Kalengku pala' ri kau

Massing - massing ji i katte
A'boya ri tallasatta
Nu jujung kamma
Sunggu nu anne ri lino

Tena antu na tuli te'ne
Ni kana sare anne ri lino
Bangkenga cini'
Sisambe mange riolo

Takontua Minne Mae

Ka'de' nia poterang na
Rewasa le'ba' laloa
Naku sombalang
Bateta parampe nyawa

Anne mae ri uruna
Bungasa' si la'bakinta
Tena rapang na
Bateta si kajallai

Simpung paleng balasa'na
Salasa kale'bakang na
Ka pa'mai' nu
Takontua minne mae

Punna nanro ku u'rangi
Sangnging je'ne mata mami
Numminra kamma
Na nu palla'dudu kamma

Apa Dudumi Kutaeng

Nu pakallasa' atingku
Nu pabenrong bina' bakku
Ku kasu'mang na
Kalengku ni ka la'bai

Apa dudumi kutaeng
Gaukku tanu ngai
Nu palla' kamma
Nu tammaling maling kamma

I nakke barang ku kana
Na tulusang pangngainnu
Na mannannungang
Nu erang lingka ri anja

Nyawa lamminra ji paleng
Pa'mai' tamannojengang
Ku alle jima
Na ku' giling ja salasa

Ma'boko Tangngu'rangi

Sa'ra' bulang minne kapang
Sa'ra' dalle minasangku
Apami kapang ri lino
Sarengku na kamma dudu

Ku rannuangmi la'cu'la
Na' leko na' rappo tommo
La nu pa'daraji paleng
Pa' mai' ku parampeang

Sa'ga tonji pangngaingku
Mange ri kau
Ku ma sarro ngamaseang
Tanu cini

Ngapai nu palla kamma
Nu ma'boko tangngu'rangi
Apa kapang tanu ngai
Ri gau' le'ba' laloku

Alle Bokoma Ri Ati - Nurdin Taqwa

Le'ba' loko' mi nyawaku
Le'ba lantang pa'risikku
Susami kapang
Lammoterang biasangku

Le'ba' sunggua nu itung
Kalumannyang na nungngai
Bellama' antu
Kai nakke tu kamase

Kodina paleng tunaiya
Empoa ri kasi asi
Tuli ni calla
Ni bicara pa'risitta

Alle bokoma' ri ati
Kaluppai ri pa'mai'
Na nu palette
Pangngainnu ri maraeng

Cinna - Anci La Ricci

Cinna lalang pa'maikku andi
Kontu rammang angngimbolong nakku sayang
Ka i kau assallerang tuli nia' ri atingku
e aule andi' le'ba' poto' pulimi anne nyawaku

I kau ji taku asseng andi
Maka i nakke ji ri atinnu sayang
Pa'mai'nu pangngainnu mange ri nakke ri kodong
E aule andi lanri nakke ji sallang anne mangngai

Si'ra sallng tanu itung andi
Anne pammaling malingku
Naku salasa sayanga
Tappu ri panrannuangku

Punna paleng nu tarima andi
Nu tojengang pangngainnu
Anne nyawaku sayang
Passikko'na ri kalennu andi

Sipuliang Memang Tongki

Rua sombala' ku tannang
Rua guling ku pataja
Aule rua balango
Ku buang makkanre ngaseng

Manna makkannyang i lau'
Taku pelo' sombalakku
Aule ku alle anna
Tallanga na toalia

Dongko' ma ri biseanta
Tetema' ri baratanta
Aule kukana tommo
Sawi pulima ri katte

Anjo nakke ri erokku
Umuru' ku passanggaeng
Aule r minasangku
Sipuliang memang tongki'

Pakacaping

Lantang bangngi kummuriang
Nakum bangung mappidandang
Ri langngerekku
Pakacaping kelong kelong

Nampai ma bellla bella
Naerang anging mammiri
Na rammang rammang
Sa'ra datte kacapinna

Ko'bi ko'bi' sikalinna
Tokko tokko na kelonna
Nasi'na kamma
Pakarawang rawang kamma

Kacapinna ngerang nakku
Gallanna pa' kuring kuring
Ko'bi' kobi' na
Appa battu dinging dinging

Susami Kapang Lapia

Manna siapa sallona
Ta tappu pangngu'rangingku
Pamma' risinnu
Ta kulle  kukaluppai

Susami kapang lapia
Loko' lalang nyawaku
Ta kaballeang
Naku erang ti'ring jammeng

Punna na rapi rapina
Na tattonrang mo tubuku
Anne pasangku
Tea mako angngarruki

Boli'mi je'ne matannu
Katutui baji' baji'
Ka pa'risannu
Ta sanrapang pa'risikku